महिंद्रा अँड महिंद्रा समूहाचे प्रमुख आनंद महिंद्रा यांनी पुन्हा एकदा आपले वचन पाळले आहे. काही दिवसांपूर्वी त्यांनी ट्विटरवर एका व्यक्तीला ‘जुगाड’ कारच्या बदल्यात नवीन बोलेरो देण्याचे वचन दिले होते, आता त्यांनी ते पूर्ण केले आहे. महिंद्राने त्या व्यक्तीच्या क्षमतेची प्रशंसा केली, परंतु त्याचवेळी त्या व्यक्तीला सुरक्षिततेच्या जोखमीच्या बदल्यात नवीन बोलेरो भेट देण्याची घोषणा केली.
यासोबतच हे वाहन आपल्याला ‘कमी साधनातही साधनसंपन्न’ होण्याची प्रेरणा देते, असे लिहिले होते. आनंद महिंद्रा यांनी हे आश्वासन पूर्ण केले. दत्तात्रेय यांच्या कुटुंबीयांना बोलेरो भेट देतानाचे काही फोटो त्यांनी ट्विटरवर शेअर केले आहेत. सोबत लिहिले आहे की, “त्याने (दत्तात्रेय लोहार) त्यांची कार नवीन बोलेरोसाठी बदलण्याचा आमचा प्रस्ताव स्वीकारला याचा आनंद आहे.
काल त्याच्या कुटुंबाला नवीन बोलेरो मिळाली आणि आता पासून त्याची गाडी आमची आहे. त्यांचे हे वाहन आमच्या महिंद्रा रिसर्च व्हॅलीमधील सर्व प्रकारच्या गाड्यांच्या संग्रहाचा एक भाग असेल, ते आम्हाला साधनसंपन्न होण्याची प्रेरणा देईल. मराठी माणसाने खूप कष्ट करून आज सात समुद्र पार करून महाराष्ट्राचे नाव रोशन केले आहे. दत्तात्रय लोहार यांनी देखील गाडी बनवून मराठी असल्याचा गर्व लोकांमध्ये निर्माण केला आहे.