“राजा हिंदुस्थानी मधील हा बालकलाकार पहा आता कसा दिसतो?”

राजा हिंदुस्थानी सिनेमातला तो छोटा मुलगा आठवतोय का ? जो आमिर खानसोबत काम करत असतो… खूप जणांना याबद्दल माहिती नसेल पण तो बालकलाकार दुसरा तिसरा कुणी नसून कुणाल खेमू आहे. कुणाल खेमूने बालकलाकार म्हणून सिनेसृष्टीत पदार्पण केलं आणि नंतर कमी पण चांगल्या प्रोजेक्ट्समध्ये काम केलं. आज आपण कुणालाच सिनेप्रवास जाणून घेणार आहोत.

कुणालचा जन्म २५ मे १९८३ रोजी श्रीनगर, जम्मू आणि काश्मीर येथे झाला. अभिनेता रवी खेमू आणि ज्योती खेमू हे त्याचे आई वडील. कुणाल हा त्या कुटुंबातील मोठा मुलगा आहे तर त्याला करिश्मा खेमू नावाची एक लहान बहीण आहे. सुरुवातीच्या काळात ते श्रीनगरमध्ये राहिले आणि बर्नहॉल स्कूल श्रीनगरमधून प्राथमिक शिक्षण घेतले, पण 1990 च्या अशांततेनंतर ते जम्मूमध्ये स्थलांतरित झाले, नंतर ते मुंबईतील मीरा रोड भागात राहिले. मीरा रोड येथील दालमिया हायस्कूलमध्ये पुढील शिक्षण आणि विलेपार्ले येथील SVKM च्या नरसी मोंजी कॉलेज ऑफ कॉमर्स अँड इकॉनॉमिक्समध्ये पदवीचे शिक्षण घेतले. तो आता मुंबईतील खार येथे राहतो.

त्याचे आजोबा, मोती लाल खेमू हे एक काश्मिरी नाटककार आहेत आणि जम्मू आणि काश्मीर सरकारचे अनेक पुरस्कार प्राप्तकर्ते आहेत. नाटककार म्हणून काश्मिरी साहित्यात दिलेल्या योगदानाबद्दल 1982 मध्ये राष्ट्रभाषा प्रचार समिती, साहित्य अकादमी पुरस्कार आणि पद्मश्री हे पुरस्कार त्यांना प्रदान करण्यात आले आहेत. तुम्हाला विश्वास बसणार नाही, पण कुणालने स्वतः अभिनय क्षेत्र निवडलं. त्यावेळी ते श्रीनगरमध्ये होते आणि त्याचे आई-वडील दोघेही (ज्योती आणि रवी खेमू) दूरदर्शनच्या ‘गुल गुलशन गुलफाम’ या शोमध्ये काम करायचे. ते मुंबईत आले तेव्हा याच शोचे डायरेक्टर वेद राही ‘चित्र कथायन’ हा आणखी एक शो बनवत होते.त्यात आई आणि मुलाची गोष्ट होती.

तिथून कुणालच्या भूमिकेला आणि अभिनयाला सुरुवात झाली, त्या मालिकेत त्याची आईही त्याच्यासोबत होती. जेव्हा ‘हम हैं राही प्यार के’ चित्रपट बनत होता, तेव्हा कोणीतरी कुणालच्या वडिलांशी त्याच्याबद्दल विचारणा केली. त्याच्या वडिलांनी कुणालला फोन करून विचारले की त्याला अभिनेता व्हायचे आहे का? म्हणून कुणाल हो म्हणाला. इथूनच त्याचे महेश भट्ट यांच्याशी नातेही वाढले. बालकलाकार म्हणून कुणालने मोजकेच काम केले आहे. कारण तेव्हा चित्रपट हे कुणालचे प्रोफेशन नव्हते. कदाचित त्याच्या आई-वडिलांनाही तेव्हा वाटले असेल की, तो मोठा होऊन डॉक्टर किंवा इंजिनियर होईल. कुणाललाही माहित नव्हते की तो काय करणार आहे. पण जेव्हा त्याला ‘जख्म’ या चित्रपटात काम मिळाले तेव्हा त्याला वाटले की एक अभिनेता म्हणून त्याने स्वतःला संधी द्यायला हवी. त्यानंतर चित्रपटात येण्यापूर्वी कुणालने पाच वर्षे थिएटर केले आणि त्यात कुणालला त्याच्या कुटुंबाचा पूर्ण पाठिंबा मिळाला आणि यातूनच त्याच्या करिअरला सुरुवात झाली.

कुणालने वेद राही दिग्दर्शित दूरदर्शन टीव्ही मालिका चित्र कथायनमध्ये बालकलाकार म्हणून पदार्पण केले. महेश भट्ट यांच्या सर या चित्रपटातून त्याने चित्रपटसृष्टीत पदार्पण केले. राजा हिंदुस्तानी, जख्म, भाई, हम हैं राही प्यार के, आणि दुश्मन या चित्रपटांमध्ये त्याने बालकलाकार म्हणून काम केले.
नंतर मोहित सुरी दिग्दर्शित 2005 मध्ये कलयुग या चित्रपटात त्याने मुख्य भूमिका केली होती. कलयुग हा पॉर्नोग्राफी इंडस्ट्रीवर आधारित सिनेमा होता. 2007 मधील त्याचा पहिला सिनेमा मधुर भांडारकरचा ट्रॅफिक सिग्नल होता, जिथे त्याने एका स्ट्रीट-स्मार्ट सावकाराची भूमिका केली होती जो गरीब कुटुंबांना कर्ज देतो, परंतु ते पैसे तो नेहमी व्याजासह परत घेतो 2007 मध्‍ये त्‍याचा दुसरा सिनेमा आला ज्याचं नाव होतं ‘ढोल’.

या सिनेमात कुणालने पुन्‍हा मुख्‍य भूमिका केली. 2008 मध्ये त्याच्या एकमेव रिलीज झालेला सिनेमा सुपरस्टारमध्ये, तो दुहेरी भूमिकेत दिसला. पुढे 2009 मध्ये त्याने ढुंढते रह जाओगे आणि जय वीरूमध्ये काम केले. 2009 मध्ये पुन्हा एकदा तो कॉमिक-थ्रिलर सिनेमा 99 मध्ये दिसला. 2010 मध्ये कुणालला पहिला मोठी कास्ट असणारा आणि बिग बजेट सिनेमा मिळाला ज्याचं नाव होतं गोलमाल 3. ज्यामध्ये त्याने लक्ष्मणची सहाय्यक भूमिका केली होती.पुढे 2012 मध्ये तो मुकेश भट्टच्या ब्लड मनीमध्ये दिसला, ज्यामध्ये कुणाल कदम, एक प्रामाणिक आणि कठोर कामगार म्हणून त्याने मुख्य भूमिका साकारली होती. ज्याला त्याच्या बॉसने नकळतपणे डायमंड ट्रेडच्या गुन्हेगारी जगात नेले आहे. 10 मे 2013 रोजी प्रदर्शित झालेल्या गो गोवा गॉन या झोम्बी कॉमेडी चित्रपटात त्याने सहकलाकार म्हणून काम केलं. दोन्ही चित्रपटांनी बॉक्स ऑफिसवर चांगली कमाई केली होती .

दोन वर्षांच्या ब्रेकनंतर 2015 मध्ये कुणाल थ्रिलर सिनेमा भाग जॉनीसह पडद्यावर परतला. या सिनेमात जिनच्या मदतीने त्याला दोन आयुष्य जगता येत असतात. दिग्दर्शक विक्रम भट्ट यांनी चित्रित केलेल्या एका जिन्याच्या मदतीने दोन जीवन जगता येते असतात. 2013 मध्ये चित्रपटाच्या शूटिंगला सुरुवात झाली असली तरी, 25 सप्टेंबर 2015 रोजी तो सिनेमा प्रदर्शित झाला. त्याच वर्षी त्याचा दुसरा रिलीज झालेला कॉमेडी चित्रपट गुड्डू की गन होता, ज्यामध्ये कुणाल मुख्य भूमिकेत दिसत होता. या सिनेमात त्याने सुमीत व्यास सोबत काम केलं. 2017 मध्ये, त्याने हनुमान: दा’ दमदार या ऍनिमेटेड चित्रपटात भगवान इंद्राच्या भूमिकेत आवाज दिला. त्यानंतर तो गोलमाल अगेन नावाच्या गोलमाल सिरीजच्या चौथ्या भागामध्ये लक्ष्मण शर्माच्या त्याच्या प्रसिद्ध भूमिकेला पुन्हा एकदा निभावताना दिसला. त्याने मलंग या सिनेमात एक लक्षणीय नकारात्मक व्यक्तिरेखा साकारली आणि कलंकमधील भूमिकेसाठी समीक्षकांची प्रशंसा मिळवली.

कुणालची खदखद: “अंडररेट नाही पण माझा कमी वापर झाला!”

बॉलीवूडमधील प्रत्येक अभिनेत्याप्रमाणे कुणाल खेमूने देखील त्याच्या कारकिर्दीत चढ-उतार पाहिले आहेत परंतु त्याला प्रेक्षकांकडून मिळालेली प्रशंसा ही त्याला काम करत रहाण्यास ऊर्जा देते. कुणालला त्याच्या इंडस्ट्रीतील प्रवासात समाधान वाटतं पण त्याच वेळी, त्याचा असा विश्वास आहे की अभिनेता म्हणून त्याची क्षमता अजूनही आजमावली गेली नाही आहे.
कुणाल म्हणतो “आज, मला अंडररेट केलेले वाटत नाही पण कमी वापरलेले आहे. त्याच वेळी, माझा गोष्टींकडे पाहण्याचा दृष्टीकोन वेगळा आहे. मला असे वाटते की मी हे काम बर्‍याच काळापासून करत आलो आहे आणि अजूनही करत आहे. मला काम करत राहायचे आहे. एकीकडे, मला असे वाटते की मी अधिक पात्र आहे आणि मला अधिक वेगळ्या प्रकारचे काम मिळायला हवे होते परंतु त्याच वेळी, माझ्याकडे जे आहे त्याबद्दल मी आभारी आहे कारण मला लोकांनी विसरलं नाही हीच माझ्यासाठी खूप मोठी गोष्ट आहे. मला हे समजले आहे की मी फक्त एकच गोष्ट करू शकतो ती म्हणजे स्वतःवर काम करत राहणे.”

*सोहा आणि कुणालची लव्हस्टोरी:
सोहा अली खान जेव्हा कुणाल खेमूसोबत ढुंढते रहे जाओगे मध्ये एकत्र काम करत होती तेव्हा तिने त्याच्याशी क्वचितच संभाषण केले असेल.
कोणताही वैयक्तिक संबंध नसताना ते फक्त अभिनय करायचे. पुढे 99 या चित्रपटाच्या शूटिंग दरम्यान सोहळा कुणालबद्दल सॉफ्ट कॉर्नर तयार झाला आणि डोळ्यात चमक असणारा आकर्षित व्यक्ती म्हणून ती कुणालकडे पाहू लागली. कुणालबद्दल सांगायचे तर, ऑक्सफर्ड ग्रॅज्युएट असूनही सोहाला बॉलीवूडमध्ये संधी का मिळाली याचा तो विचार करत राहिला. ते दोघेही वेगवेगळ्या पार्श्वभूमीतील व्यक्ती त्यामुळे दोघांकडे खूप माहिती होती. मग त्या माहितीची देवाण घेवाण करण्यासाठी ते दोघे बोलू लागले आणि त्या दोघांमध्ये मैत्री तयार झाली. कुणाल आणि सोहा पहिल्यांदा 2008 मध्ये आलेल्या ‘द डार्क नाइट’ हा चित्रपट पाहण्यासाठी एकत्र गेले होते.

मग दोघांमध्ये प्रेम बहरत गेलं. दोघेही वेगवेगळ्या पार्श्वभूमीचे होते. सोहा ही प्रतिष्ठित पतौडी कुटुंबातील. तिचे वडील, दिवंगत मन्सूर अली खान पतौडी, पतौडी कुटुंबातील होते आणि ते भारतीय कसोटी क्रिकेटचे कर्णधार देखील होते. तिची आई, शर्मिला टागोर, एक प्रसिद्ध आणि प्रतिष्ठित भारतीय चित्रपट अभिनेत्री आहेत, तर तिचा भाऊ, सैफ अली खान, एक लोकप्रिय चित्रपट अभिनेता आहे. कुणाल खेमू हा काश्मिरी पंडित कुटुंबातील आहेत आणि त्यांचे आजोबा मोतीलाल खेमू हे होते आणि राज्य सरकारचे अनेक पुरस्कार प्राप्त होते.भिन्न पार्श्वभूमी असूनही कुणाल आणि सोहाचे नाते वर्षानुवर्षे बहरले. या जोडप्याने आपापल्या कुटुंबाच्या उपस्थितीत 2014 मध्ये लग्न केले. लग्नाआधी दोघेही लिव्ह इन मध्ये रहात होते. त्यांची मुलगी, इनाया नौमी केम्मू, 2017 मध्ये जन्मली आणि ती इंटरनेटवरील सर्वात लोकप्रिय बालकांपैकी एक आहे.
स्वप्नील लव्हे

Leave a comment

Your email address will not be published. Required fields are marked *