सैराट चित्रपट येऊन आता जवळ जवळ साडेतीन वर्षे झाली परंतु ह्या चित्रपटातील भूमिका आणि कलाकार ह्यांच्या भोवतीचे वलय आजही कमी झालेले नाही. इतकेच काय ह्या चित्रपटाची क्रेज अजूनही कायम आहे. अनेकजण हा चित्रपट पुन्हा पुन्हा पाहतात, युट्युबवर सैराटची गाणी पाहणाऱ्यांची संख्या दिवसेंदिवस मोठ्या प्रमाणात वाढत आहे. ‘सैराट’ हा चित्रपट २९ एप्रिल २०१६ ला रिलीज झाला होता. हा चित्रपट रिलीज झाल्यानंतर फक्त महाराष्ट्रातच नाही तर संपूर्ण देशात गाजला. मराठी चित्रपटसृष्टीत १०० कोटींचा व्यवसाय करणारा हा एकमेव मराठी चित्रपट होता. जसा हा चित्रपट लोकप्रिय झाला, त्याचप्रमाणे ह्या चित्रपटातले कलाकारही खूप लोकप्रिय झाले.
रिंकूचा जन्म ३ जून २००१ मध्ये अकलूज येथे झाला. सैराट चित्रपटाच्या शूटिंग दरम्यान ती सातवीत शिकत होती. आणि जेव्हा हा सिनेमा रिलीज झाला तेव्हा ती नववीत होती. रिंकूची आई हि नागराज मंजुळे ह्यांची मैत्रीण आहे. रिंकूची आई एकदा रिंकूसोबत नागराज मंजुळेंना भेटायला गेली असताना नागराज मंजुळेंनी रिंकूला चित्रपटाची ऑफर दिली होती. तेव्हापासून ते आतापर्यंत रिंकूच्या लूक मध्ये खूपच बदल झाला आहे. रिंकूने आपल्या लूकसाठी खूप मेहनत घेतली आहे. ती आता खूपच स्लिम झालेली पाहायला मिळत आहे. सैराट शिवाय रिंकूने ‘कागर’ चित्रपटात काम केले आहे. हा चित्रपट फेब्रुवारी २०१९ ला प्रदर्शित झाला. ह्या चित्रपटाला प्रेक्षकांनी संमिश्र प्रतिसाद दिला. परंतु चित्रपटात रिंकूच्या अभिनयाचे कौतुक झाले. ह्या चित्रपटात तिने राजकीय नेत्याची भूमिका साकारली होती. तिचा आगामी चित्रपट ‘मेकअप’ येत्या काही दिवसांतच रिलीज होईल.