बॉलिवूडमध्ये ज्याप्रमाणे ‘अमिताभ आणि रेखा’, ‘शाहरुख आणि काजोल, ‘सलमान आणि ऐश्वर्या’ ह्या जोड्या लोकप्रिय आहेत तश्याच मराठी चित्रपटसृष्टीत सुद्धा काही एव्हरग्रीन जोड्या आहेत. ‘दादा कोंडके आणि उषा चव्हाण’, ‘अशोक सराफ आणि निवेदिता जोशी’, ‘सचिन आणि सुप्रिया’ ह्यासारख्या लोकप्रिय जोड्यांनी मराठी प्रेक्षकांची मने जिंकली. ह्या जोडीमध्ये अजून एक जोडी अशी होती ज्यांना प्रेक्षकांनी अक्षरक्ष डोक्यावर घेतले होते. ती जोडी म्हणजेच ‘लक्ष्मीकांत बेर्डे आणि प्रिया बेर्डे’. ह्या जोडीने मराठी चित्रपटसृष्टीवर तर राज्य केलेच पण हिंदी चित्रपटांमध्येही हि जोडी चमकली. चित्रपटांमध्ये चांगली केमिस्ट्री जमलेली हि जोडी नंतर खऱ्या आयुष्यात सुद्धा एकत्र आली. आज आपण आजच्या लेखात आपल्या लाडक्या लक्ष्या आणि प्रिया अरुण ह्यांच्या प्रेमकहाणीबद्दल जाणून घेणार आहोत.
ह्याचे कारण म्हणजे चित्रपटांप्रमाणेच चित्रपटाच्या सेटवर सुद्धा दोघांमध्ये खूप चांगली केमिस्ट्री असायची. लक्षाच्या प्रत्येक विनोदाला मग तो शूटिंगसाठी कॅमेरासमोर असो किंवा शूटिंग नसताना असो, लक्ष्याच्या प्रत्येक विनोदाला प्रियाची दाद असायची. लक्ष्याला मासे खायला खूप आवडतात हे प्रियाला माहिती होते. त्यामुळे ती अनेकदा लक्ष्यासाठी मासे आणायची. ‘एक होता विदूषक’ ह्या चित्रपटासाठी सर्वोत्तम अभिनेत्याचा राज्यपुरस्कार थोडक्यात हुकल्यानंतर लक्ष्मीकांत बेर्डे ह्यांना वाईट वाटले होते. ह्याची प्रियाला लगेच कल्पना आली. तेव्हा प्रियाने लक्ष्याची समजूत काढली होती. चित्रपट आणि चित्रपट माध्यमांद्वारे लक्ष्मीकांत बेर्डे एक यशस्वी अभिनेता म्हणून कसे आहेत हे प्रेक्षकांना आणि अनेकांना माहिती होते. परंतु ते एक व्यक्ती म्हणून कसा आणि किती सुखी किंवा दुखी आहे ह्यासाठी प्रिया जवळची साक्षीदार किंवा साथीदार बनत होती. अश्या नात्याला त्यावेळी काही नाव नसतं. दोघांमध्ये अस्सल बांधिलकी वाढली.
त्याच काळात रुही बेर्डे ह्या स्वर्ग वासी झाल्या. लक्ष्मीकांत बेर्डे एकटे पडले होते. एकाकी पडलेल्या लक्षाला सावरण्यासाठी प्रियाचीच हक्काची साथ होती. ह्याच टप्प्यावर प्रिया अरुण हि प्रिया बेर्डे झाली. दोघेही लग्नाच्या पवित्र नात्यात गुंफले गेले. दोघांच्या नवीन प्रवासाला सुरुवात झाली. लग्नानंतर लक्ष्मीकांत बेर्डे मराठी चित्रपटांसोबतच हिंदी चित्रपटांमध्येही व्यस्त झाले. ह्याच संसारात ह्या दोघांना मुलगा झाला. त्यांनी आपल्या मुलाचे नाव अभिनय ठेवले. वडील बनण्याचे त्यांचे स्वप्न पूर्ण झाल्यामुळे ते एखाद्या लहान मुलाप्रमाणे हि बातमी अनेकांना सांगत असत. प्रियासुद्धा खूप आनंदात होती. पुढे मग दीड वर्षांनी त्यांना मुलगी झाली. तिचे नाव स्वानंदी ठेवण्यात आले. आपल्या मुलांचे संगोपन आणि पालकत्व अनुभवण्यात आनंद घेत असतानाच आणि हि दोन्ही मुलं लहान असतानाच लक्ष्मीकांत बेर्डे ह्यांना स्वर्ग वासी झाले. आज प्रियाने आपल्या दोन्ही मुलांचे संगोपन केले आहे. अभिनयने कॉलेजमध्ये शिक्षण घेत असतानाच ‘ती सध्या काय करते’ ह्या चित्रपटातून मराठी चित्रपटसृष्टीत पर्दापण केले. त्याचा काही महिन्यापूर्वी रिलीज झालेला चित्रपट म्हणजे ‘रंपाट’. तर कॉलेजमध्ये शिकणारी स्वानंदी सुद्धा दिग्दर्शक किशोर बेळेकर ह्यांच्या ‘रिस्पेक्ट’ ह्या चित्रपटात लवकरच दिसेल. लक्ष्याच्या आठवणी ताज्या करण्यासाठी सर्वेश शिर्के फिल्म्स ने एक सुंदर व्हिडीओ तयार केला आहे. तो व्हिडीओ आम्ही खाली देत आहोत. तो व्हिडीओ नक्की पहा, खूप छान बनवला आहे. (माहिती स्रोत – राजश्री मराठी)
Nice….