एजंटने १ मिनिटात बुक केले ४२६ रेल्वे कन्फर्म तिकीट

भारतीय रेल्वेमध्ये एका मिनिटात ४२६ ऑनलाईन तिकिट बुक केल्याची घटना समोर आली आहे. आयआरसीटीसीने दावा केला आहे की अहमदाबादच्या बुकिंग एजंटने एका मिनिटापेक्षा कमी वेळात ४२६ रेल्वे तिकिटे बुक केली आहेत. यानंतर रेल्वे पोलिस दलाने (आरपीएफ) तिकीट एजंटवर गुन्हा दाखल करून तपास सुरू केला आहे. आयआरसीटीसी ने बुकिंग एजंट मोहसीन जालियावाला याचे गुपित उघड केले. मोहसीन जालियावाला यांनी एका मिनिटाच्या आत ४२६ तिकिटे बुक केली. रेल्वेची अशी स्थिती आहे जिथे लोक तिकिट मिळविण्यासाठी महिन्यांपासून रांगेत उभे असतात.

याहून असा प्रश्न पडतो की बुकिंग एजंटने एका मिनिटातच इतकी तिकिटे बुक केली असतील आणि त्या सर्व तिकिटांची नोंद झाली असेल म्हणजेच कन्फर्म तिकीट बुक होत असतील तर इतर सामान्य लोकांना तिकिटे मिळवणे अवघड होईल. मिळालेल्या माहितीनुसार एक कन्फर्म तिकीट बुक करायला साधारणपणे ९० सेकंद लागतात, पण एजंटने एका मिनिटात हे कसे केले? असे देखील म्हटले जात आहे की कोणत्याही रेल्वे अधिकाऱ्याच्या हस्तक्षेपाशिवाय हे करणे शक्य नाही.अहमदाबादच्या मोहसीनने ११.१७ लाख रुपयांचे ४२६ तिकीट बुक केले. आरपीएफने गुन्हा दाखल केला असून त्यावर तपास सुरु केला आहे मात्र सध्या आरोपी फरार आहे. या बुकिंग एजंटने ३० ते ४५ सेकंदात तिकीट काढले, असे आरपीएफ इन्स्पेक्टर ग्रेसीएल फर्नांडिज यांनी सांगितले. त्यानी सांगितले की रेल्वेचे तिकिट एजंट त्याच्या वैयक्तिक आयडीद्वारे इतकी तिकिटे बुक करू शकत नाही. परंतु या बुकिंग एजंटने बर्‍याच खासगी आयडी वापरुन बरीच तिकिटे बुक केली आहेत. बुक केलेल्या ४२६ तिकिटांपैकी १३९ ने अद्याप प्रवास सुरू केलेला नाही आणि अवरोधित केला गेला आहे.

Leave a Reply

Your email address will not be published. Required fields are marked *