मित्रानो २०१८ मध्ये महाराष्ट्रात अनेक नियम लागू झाले होते त्यापैकीच एक म्हणजे प्लास्टिक बंदी. प्लास्टिक बंदी केल्यामुळे महाराष्ट्रात अनेक कंपन्या ज्या प्लास्टिक च्या पिशव्या बनवत होत्या त्या बंद झाल्या तसेच अनेकांना प्लास्टिक देताना पकडल्याने त्यांच्याकडून दंड देखील वसूल केला गेला. प्लास्टिक बंदी केल्यामुळे जवळपास ५० टक्के प्लास्टिक कचरा कमी झाला. पर्यावरण मंत्री रामदास कदम यांनी पॉलिथिन प्लास्टिक रिसायकल करण्यासाठी एक चांगले पाऊल पुढे ठेवले आहे.
या स्कीमनुसार जो कोणी ग्राहक दुधाची पिशवी विकत घेईल आणि दूध वापरून ती रिकामी पिशवी पुन्हा दुकानदाराला देईल तर त्याला त्या रिकाम्या पिशवीचे ५० पैसे दिले जातील. या स्कीमनुसार जर तुम्ही जर रोज एक पिशवी विकत घेत असाल व ती पिशवी न फेकता साठून ठेवत असाल आणि एकदम दुकानदाराला दिल्या तर १५ रुपये तुम्हाला महिन्याला मिळतील व प्रदूषणाला देखील आला बसेल. त्याच प्लॅस्टिकच्या पिशवीचे रिसायकल देखील कंपनी करेल म्हणजेच यामुळे मोठ्या प्रमाणात प्रदूषण होण्यापासून वाचू शकते.