मेहनत केली तर फळ नक्की मिळते हे तुम्ही ऐकले असेलच आणि साक्षात पहिले देखील असेल. मोठे होऊन काहीतरी करून दाखवायचे स्वप्न असेल तर त्यासाठी तुम्ही मेहनत केली तर तुम्हाला कोणीही अडवू शकत नाही. अनेक गरीब घरातील मुलांनी चांगला अभ्यास करून मोठ्या मोठ्या नोकऱ्या मिळवल्या आहेत, आपली ओळख निर्माण केली आहे. मध्यमवर्गीय आणि श्रीमंत कुटुंबातील मुलांना सर्व सुख सोयी, अभ्यासाची साधने, क्लासेस सर्व लावून देखील ते अभ्यासात मागे राहतात अशी देखील कितीतरी उदाहरणे आहेत. मात्र आज आपण एका वेगळ्याच मुलीबद्दल बोलणार आहोत.
लतिशा ला हाडांचा आजार आहे ज्यामुळे तिला नीट श्वास देखील घेता येत नाही. श्वास घेण्यासाठी ती ऑक्सिजन सिलेंडर वापरते, मात्र आत्मविश्वास कोणापेक्षा कमी नाही. लतिशा त्यांच्यासाठी जिवंत उदाहरण आहे जे सर्व काही असून देखील निराश आणि हताश झालेले आहेत. लतिशा ला कलेक्टर बनायचे आहे आणि लोकांना न्याय मिळवून द्यायचा आहे. तिला जन्मल्यानंतर हाडांचा आजार “टाईप २ ऑक्सियोजिणेसिस इम्परफेक्ट” झाला होता. मात्र मागील एका वर्ष्यापासून तिला श्वासाचा आजार देखील झाला. त्यामुळे तिला श्वास घेण्यासाठी ऑक्सिजन सिलेंडर लागतोच. मिळालेल्या माहितीनुसार तिला मेडिकल ट्रीट्मेंसाठी महिन्याला २५००० रुपये लागतात.