भारताला प्राचीन इतिहास लाभला आहे त्यात अनेक लोकांनी भारतावर राज्य करून आपली संस्कृती विकसित करण्याचा प्रयत्न केला. अश्यात जुन्या लेण्या, मंदिरे, मशिदी भारतात पाहायला मिळतात त्यापैकी एक जुने मंदिर आमच्या निदर्शनात आले ज्याला आम्ही भेट दिली होती त्याचे काही फोटो आणि थोडक्यात माहिती आम्ही आज तुमच्यासाठी घेऊन आलो आहोत. पुणे जिल्ह्यातील इंदापूर तालुक्यात पळसदेव हे गाव आहे. ३५ ते ४० वर्ष्यानंपूर्वी जुने गाव हे पूर आल्याने पाण्यात गेले आणि नवीन गाव बसवण्यात आले.
पळसनाथ देवाचे हे मंदिर आहे या गावात यात्रा देखील मोठ्या थाटामाटात साजरी केली जाते. अनेक गावातील लोक या गावातील यात्रेत कुस्त्या पाहायला, मंदिराचे देवदर्शन घयायला येतात. हनुमान जयंती च्या दिवशी छबिना निघतो तर त्याच्या दुसऱ्या दिवशी यात्रा असते. पळसदेव गावाची प्रगती पाहून हे आधुनिक गाव असल्यासारखे वाटते. सर्वच क्षेत्रात प्रगतीला असणाऱ्या या गावाला तुम्ही आता जरूर भेट देऊ शकता. इंदापूर आणि भिगवण च्या मध्ये सोलापूर महामार्गाला लागून हे गाव आहे या मंदिराला पाहण्यासाठी नक्की या गावी भेट द्या.