मित्रानो आपल्या महाराष्ट्रात लग्न झालं कि नवीन जोडपं आणि घरातील मंडळी देवदर्शनाला जातात व नंतर घरी पूजा केली जाते. अशीच एक नवविवाहित जोडी आणि कुटुंब लग्नानंतर देवदर्शनाला गेलं होत त्यावेळी परतताना हा अपघात झाला आणि यामध्ये नवीन नवरी तिची सासू आणि एका महिलेचा मृत्यू झाला. यवतमाळ मध्ये मारेगावजवळ देवदर्शनावरुन परत येताना ट्रक आणि क्रुझर गाडीचा भीषण अपघात झाला. या अपघातात नववधूसह तिघींचा मृत्यू झाला आहे. तर नवरा देवा उपरे याच्यासह सात जण जखमी आहेत. 
हे नवदाम्पत्य लग्नानंतर चंद्रपूरच्या महांकाली देवीच्या दर्शनासाठी गेले होते. देवदर्शन झाल्यावर ते आपल्या घरी येत असताना त्यांच्या क्रुझर गाडीला अज्ञात ट्रकने धडक दिली. हि टक्कर इतकी जबर होती कि जागेवरच दोघींचा मृत्यू झाला व एकीचा उपचारादरम्यान मृत्यू झाला. तसेच ट्रकने दिलेल्या धडकेनंतर क्रुझर गाडीने तीन वेळा पलटी खाली व रस्त्याबाहेर गेली. मोरगाव पोलिसात याची दाखल घेतली जात असून तपास सुरु आहे. मात्र नवीन वधूंसोबत असं झाल्याने शोक व्यक्त होत आहे, त्यांच्या आत्म्यास शांती लाभो.