एक कप कॉफीवर किती काही होऊ शकते. ‘A lot can happen over coffee ‘ म्हणजे कॉफीच्या एका पेल्यावर भरपूर काही होऊ शकते. वीजी सिद्धार्थने याच टॅगलाइन बरोबर ‘कॅफे कॉफी डे’ ची सुरुवात केली होती. या कॉफीवर बरच काही झाले आणि होत आहे. उद्योगातील तोटा आणि कर्जदारांचा त्याच्यावरील दबावामुळे त्यांना आपला जीव गमवावा लागला. त्यांनी आत्मह त्या केली. प्रश्न वीजी सिद्धार्थच्या बिझनेस मॉडलवर उठू लागले. म्हणजे जर एखादा माणूस १० रुपयाची कॉफी १३३ रुपयात विकत असेल तर त्याचा उद्योग डबघाईला आला कसा ? देशातील मोठ्या कॉफी कॅफे विषयी हे सर्व ऐकून प्रत्येक जण विचारात पडलाय. याचे कारण असे, जर कॅफे कॉफी डे ची सुरुवात सन १९९६ मध्ये ६ करोडच्या भांडवलावर सुरु झाली, ती सन २०१७-१८ मध्ये १७७७ करोडच्या भांडवलावर येवून पोहोचली. त्यानंतर २०१८–१९ मध्ये हा आकडा १८१४ वर पोहोचला. चालू वर्ष संपताना भांडवल २२५० करोड होण्याची संभावना होती. मग तोटा कसा ?
कारण ६० टक्के कॉफी स्टोअर सतत तोट्यात चालतात. कॉफीची किंमत भलेही १० ते २० रुपये असेल पण इतर खर्च पाहून म्हणजेच कॉफी शॉप मधील लायटिंग, नोकरदार वर्ग आणि इतर खर्च एकत्र केला तर कॉफी १३० रुपये किंवा २०० रुपये असेल तरी कमीच आहे. मी माझ्या जीवनातील ३ पेक्षा जास्त वर्ष सीसीडी आणि कोस्टा मध्ये घालवलेत. माझा स्टोर जिथे मी काम करीत होतो तो सतत तोट्यातच राहिला. कारण दुकान भाडे, लाईट बील कामगारांचे पगार या सर्वांचा बील एव्हढा असायचा की महिनाभरची विक्री कमी व्हायची आणि त्या मालकाचा खर्च जास्त व्हायचा. राजीव चौक आणि जास्त गर्दीच्या जागा सोडल्या तर कॅफे मध्ये क्वचितच एखाद दुसरा गिराईक यायचा. असे स्टोअर १०० टक्के तोट्यात चालत असतात.”